विराटनगर, पुस २१ गते । अभद्र व्यवहार सम्बन्धी कसुरमा मनोज मानव भनेर चिनिएका युट्युबर मनोज कुमार महतोलाई प्रहरीले पक्राउ गरेको छ ।
मधेश प्रदेशको सिरहा जिल्ला घर भएका मनोज मानवलाई प्रहरीले १९ गते शुक्रवार पक्राउ गरिएको जिल्ला प्रहरी परिसर काठमाण्डौले जनाएको छ ।

उनलाई अभद्र व्यवहार सम्बन्धी कसुरमा पक्राउ गरिएको जिल्ला प्रहरी परिसर काठमाडौंका एसपी नवराज अधिकारीले रातोपाटीलाई बताए । सिराहा घर भएका महतो पुस १९ मा पक्राउ परेका हुन् ।
यसअघि पनि उनी विद्युतीय अपराध ऐन अन्तर्गतको कसुरमा पक्राउ परेर छुटेका थिए ।