विराटनगर, भाद्र गते २३ गते । सोलुखुम्बु दुधकुण्ड गाउँपालिका वडा नं. ८ चागेस्थान स्थितमा रहेको चागेस्थान मन्दिरबाट दुई वाट सिंहको मुर्ती चोरी गर्ने १ जना पक्राउ परेको छ ।
पक्राउ पर्नेमा सोही स्थानका ३५ बर्षीय रमेश मगर रहेका छन । सोमबार मन्दिरबाट दुई वटा सिंहको मुर्ती हराएपछि मन्दिर समितिले खोजी गर्दा फेला नपरेपछि जिल्ला प्रहरी कार्यालय सोलुमा जानकारी गराएका थिए ।
घटनाको जानकारी पाउनसाथ खोजतलासमा खटिएको प्रहरी टोलीले मगरलाई छिमेकी जिल्ला ओखलढुंगाको सिद्धिचरण वडा नं. ११ स्थितमा रहेको एक होटलबाट उनले चोरी गरी लगेको मुर्ती सहित पक्राउ गरेको हो ।
पक्राउ परेका उपर कानुनी कारबाही तथा थप अनुसन्धान भईरहेको जिल्ला प्रहरी कार्यालय सोलुले जनाएको छ ।