बिराटनगर, भाद्र १४ गते । मोरङ र सुनसरीका २ स्थानबाट नियन्त्रीत लागुऔषध सहित ३ जना पक्राउ परेका छन् ।
ईलाका प्रहरी कार्यालय बुधनगर मोरङबाट खटिएको प्रहरी टोलीले शनिवार लागुऔषध सहित २ जनालाई पक्राउ गरेको हो । गस्तिमा खटिएको प्रहरी टोलीले प्रदेश नं १–०२–०४० प ९६६८ नं को मोटरसाईकललाई चेक जाँच गर्ने क्रममा चालक गढी गाउँपालिका वडा नं. ३ सुनसरीका २७ बर्षीय सुभाष कुमार साह र पछाडी सवार रहेका मोरङ जहदा गाउँपालिका वडा नं. १ का २१ बर्षीय रुपेश यादवलाई लागुऔषध सहित पक्राउ गरेको हो । उनीहरुको साथबाट डिलेक्स–डीएल १४ बोतल रहेकोे थियो ।
त्यसैगरी लागुऔषध नियन्त्रण ब्युरो बिराटनगरबाट खटिएको प्रहरी टोलीले सुनसरीको भाण्टावारीबाट स्थानीय २२ बर्षीय सुसिल शर्मालाई नाईट्रोसन १०० ट्याब्लेट, एस.पी. ५ सय ५२ ट्याब्लेट र कोरेक्स १०० एम एल को ३३ बोतल लागुऔषध सहित शनिवार पक्राउ गरेको हो भने लागुऔषध सहित पक्राउ परेका उनीहरुको सम्बन्धमा थप अनुसन्धान भईरहेको छ । जिल्ला प्रहरी कार्यालय मोरंगले जनाएको छ ।