विराटनगर, भाद्र २७ गते । झापाको बाह्रदशी गाउँपालिका–४ स्थितबाट प्रतिबन्धीत लागुऔषध ब्राउनसुगर सहित १ जनालाई प्रहरीले पक्राउ गरेको छ ।
मंगलबार लागु औषध किनबेच हुदैछ भन्ने बिशेष सूचनाको आधारमा प्रहरी चौकी फुलबारीबाट खटिएको प्रहरी टोलीले २६ बर्षीय सल्मान आलमलाई निजकै घरबाट ७ ग्राम प्रतिबन्धीत लागुऔषध ब्राउनसुगर सहित नियन्त्रणमा लिएको थियो ।
पक्राउ परेका आलमको सम्बन्धमा ईलाका प्रहरी कार्यालय अनारमनीबाट थप अनुसन्धान भईरहेको छ ।
त्यसैगरी मोरङको बिराटनगर महानगरपालिका–१४ स्थित आइपीसी सडक खण्डबाट प्रहरीले वेवारीसे अवस्थामा लागुऔषध गाँजा फेला पारेको छ । मंगलबार इलाका प्रहरी कार्यालय रानीबाट गस्तीमा खटिएको प्रहरी टोलीले को.१७ प ८६३ नम्बरको मोटरसाईकलमा रहेको झोला चेकजाँच गर्ने क्रममा झोला भित्र लुकाई छिपाई राखेको ४० किलोग्राम लागुऔषध गाँजा फेला पारेको थियो ।
वेवारिसे अवस्थामा मोटरसाईकल सहित बरामद भएको गाँजाको इलाका प्रहरी कार्यालय रानीबाट थप अनुसन्धान भईरहेको छ ।