विराटनगर, असोज ५ गते । विश्व शान्ति दिवसको अवसरमा विश्व शान्तिदूत श्री प्रेम रावतको शान्ति सन्देश भिडियो प्रदर्शन भएको छ ।
प्रदेश नं. १ को राजधानी विराटनगरमा रहेको नेपाल पत्रकार महासंघ मोरंग शाखाको सभाहलमा पत्रकारहरुको उपस्थितिमा सो भिडियो प्रदर्शन गरेको हो ।
प्रेम रावतको मुख्य संदेश जबसम्म हामी आफ्नो हृदयको तिर्खा मेटाउदैनौ तबसम्म बाहिर जे सुकै गरे पनि शान्ति पाउन सकिदैन, शान्ति बाहिर खोजेर हुँदैन आफ्नो आत्म र मन भित्रै शान्ति खोज्नु पर्छ ।
रावतको शान्ति संन्देशहरु दर्जनौ भाषामा रहेका छन् । आत्मज्ञान प्रचार संघ केन्द्रीय कार्यालय सामाखुशी काठमाण्डौको आयोजनमा भएको शान्ति सन्देश भिडियो प्रदर्शन नेपाली भाषामा देखाइएको थियो ।
शान्ति संन्देश भिडियो सुनिसकेपछि पत्रकारहरुको जिज्ञासाको जवाफ रावतका अनुनायीहरुले दिएका थिए । शान्ति संन्देशका भिडियोहरु नेपालको कारागारमा रहेका कैदिवन्दीहरुलाई समेत सुनाउने गरिन्छ ।
शान्ति संदेश भिडियो कार्यक्रमको स्थानीय अनुनायी रेखा  गुप्ता र कल्पना दहालले सहजीकरण गर्नु भएको थियो ।