विराटनगर, श्रावण २५ गते । विराटनगर महानगर पालिका भित्र २२ जना कोरोना संक्रमित थपिएसंगै कुल संख्या २ सय ७८ पुगेको छ ।
विराटनगर महानगर पालिका वडा नं. ९ का ११ जना व्यक्तिमा कोरोना पुष्टी भएको छ भने अन्न ११ जना विभिन्न वडाका व्यक्तिहरु हुन् ।
कोरोना भाइरस संक्रमण थप भएका विराटनगर महानगर पालिका वडा नं. ३ को २ जना, वडा नं. ६ को १ जना, वडा नं. १० को २ जना वडा नं. ११ को १ जना, वडा नं. १२ को १ जना, वडा नं. १४ को २ जना र वडा नं. १५ को १ जना रहेका छन् । एक जना संक्रमितको वडा खुलेको छैन ।
विराटनगरमै गरिएको परीक्षणबाट मोरङको जहदाका १ र प्रदेश २ का ४ जनामा पनि कोरोना देखिएको छ । विराटनगर महानगर पालिकाका ४३ जना कोरोनालाई जितेर घरफर्कि सकेका छन् भने ३ जनाको मृत्यु भएको छ ।