पाँच वर्ष अघि बालिका बलात्कारको आरोपमा म्यादी प्रहरी पक्राउ
विराटनगर, जष्ठ ८ गते । पाँच वर्ष अघि बालिका बलात्कारगरी फरार रहेको आरोपी झापाको गौरीगञ्जमा एकजना म्यादी प्रहरी पक्राउ परेको छ ।
पक्राउ पर्नेमा उदयपुर जिल्लाको ताप्ली गाउँपालिका वडा नं. ५ का ३० वर्षिय कमल प्रसाद पोखरेल रहेको छ ।
पोखरेलले पाँच वर्ष अघि एक १४ वर्षिय बालिकालाई बलात्कार गरको आरेपमा उनी पक्राउ परेको जिल्ला प्रहरी कार्यालय झापाले जानकारी दिएको छ ।
५ वर्ष अघि २०७४ साल जेठ ३ गते उदयपुरको ताप्लीमा रहेको गहते जंगलमा लगेर बालिकालाई बलात्कार गरेको आरोपमा पोख्रेल पक्राउ परेका हुन् । बालिका बेहोस भएपछि उनी फरार भएको थियो । फरार रहेका पोख्रेललाई प्रहरीले खोजिरहेको भए पनि भेट्न सकेको थिएन ।
बैशाख ३० गते भएको स्थानीय तह चुनावका लागि झापामा म्यादी प्रहरीका लागि आवेदन दिई छनोट प्रक्रिया पूरा गरेर म्यादी प्रहरीमा कार्यरत रहेकै बेला उनलाई प्रहरीले झापाको गौरीगञ्जबाट पक्राउ गरेको थियो ।
पक्राउ परेका पोख्रेललाई थप अनुसन्धानका लागि उदयपुर नै पठाइएको झापा प्रहरीले जनाएको छ ।