विराटनगर, चैत १२ गते । नयाँ वर्ष २०७९ लाई लक्षित गरी श्रस्था नेपाल, सोलिस इन्टरटेन्मेन्ट र तृष्णा रेष्टुरेन्टको आयोजनामा ‘द एज बैण्ड कन्र्सट’ को आयोजना हुने भएको छ ।
एयरपोर्ट लाइनमा रहेको तृष्णा रेष्टुरेन्टमा पत्रकार सम्मेलन गरी २०७९ साल चैत १९ गते शनिवारका दिन सो रेष्टुरेन्टमा कन्र्सट गर्ने मोडेल साजीत आलमले वताए ।
सोही पत्रकार सम्मेलनमा प्रदेश १ का सांसद विन्दीया कार्कीले एयरपोर्ट लाईनलाई काठमाण्डौको ठमेल एरिया जस्तै होटलै होटल भएको एरिया वनाउनु पर्छ भन्दै अगामी दिनमा सांसदकोषबाट केही रकम छुट्याएर भएपनि प्रत्येक विजुलीको पोलमा लाईट लगाउने काम गर्ने वताए । यस्तो कार्य गरे पर्यटक भित्रियाउन समेत सजिलो हुने वहाँको भनाई थियो ।
द एज बैण्ड नेपालकै उत्कृष्ट बैण्ड रहेको भन्दै विराटनगरमा धेरै समय पछि कन्सर्ट गर्न लागेको आयोजक मध्येका रविन श्रेष्ठले जानकारी गराए । सो बैण्डको चचित गितहरु जस्तै न चाहेको होइन, सम्झीने मुटुहरु लगायत अन्य प्रस्तुतीहरु रहने छ । सो कन्र्सटमा ३ सय देखि ३ सय ५० जना यूवा–यूवतीहरुलाई सहभागीता गराउने लक्ष्य रहको छ ।
बैण्ड कन्र्सटमा सहभागी हुन चाहनेले २ हजारको टिकट खरिद गर्नु पर्नेछ । सो टिकट तृष्णा रेष्टुरेन्टमा नै उपलब्ध हुने छ । कन्र्सटमा कुल लागत १७ लाख लाग्ने आयोजकहरुले अनुमान गरेका छन् ।
कन्र्सटमा प्रदेश नं. १ का मुख्य मन्त्री, मन्त्री, मेयर लगायत उच्च पदस्त कर्मचारी, उद्योगी, व्यापारी लगायतको सहभागीता रहने आयोजकले वताए ।