सुनसरी, कार्तिक २३ गते । श्रीमानले कुटपीट गर्दा कुटाईको पिडा सहन नसकी श्रीमतिको मृत्यु भएको छ ।
घटनाको विवरण अनुसार सुनसरी जिल्लाको धरान उप–महानगरपालिका वडा नं. १५ बस्ने ३४ बर्षीया छुङकु मगर (राई) लाई श्रीमान्ले कुटपिट गर्दा मृत्यु भएको छ ।
श्रीमतिलाई लक्ष्मीको रुप मानिन्छ तर त्यही लक्ष्मी जस्ती श्रीमति कार्तिक १८ गते बेलुका लक्ष्मी पूजाकै दिन ६ बजेको समयमा छुङकुका श्रीमान ४१ बर्षीय महेन्द्र राईले कुटपिट गर्दा उनी घाईते भएकी थिईन ।
घाईतेलाई केही दिन घरमै सामान्य उपचार गरी २२ गते थप उपचारको लागी बि.पी.कोईराला स्वास्थ्य बिज्ञान प्रतिष्ठान घोपा लगिएकोमा उपचारकोम क्रममा मृत्यु भएको हो ।
श्रीमतिलाई कुटपीट गरी मृत्यवरण गराउने श्रीमान राईलाई ईलाका प्रहरी कार्यालय धरानबाट खटिएको प्रहरी टोलीले नियन्त्रणमा लिएको हो ।
श्रीमतिको हत्या गरेको आरोपमा पक्राउ परेका राईको सम्बन्धमा प्रहरीले थप अनुसन्धान गरिरहेको छ ।