सखुवाको गोलिया काठ सहित बेलबारीबाट दुई जना पक्राउ
बिराटनगर, भदौ १३ गते । अबैद्ध सखुवाको गोलिया काठ सहित दुई जनालाई प्रहरीले पक्राउ गरका छन् ।
मोरङको बेलबारी नगरपालिका वडा नं. ३ स्थितबाट अबैध रुपमा गाडीमा ल्याएको सखुवाको गोलिया काठ सहित २ जना पक्राउ गरेको हो । पक्राउ पर्नेमा चालक सोही स्थानका ३८ बर्षीय दल बहादुर तामाङ र केरावारी गाउँपालिका वडा नं. ८ का ४० बर्षीय जित बहादुर तामाङ रहेका छन् ।
गत भदौ ११ गते बिशेष सुचनाको आधारमा ईलाका प्रहरी कार्यालय बेलबारीबाट खटिएको प्रहरी टोलीले बा २१ च १८२९ नम्बको बोलेरो पिकअप गाडी नियन्त्रणमा लिई चेकजाँच गर्दा उक्त गाडीमा अबैध रुपले ल्याएको ३८.५ क्यूविक फिट सखुवाको काठ फेला पारी बरामद गरेको हो ।
बरामद गरिएको काठ, गाडी र चालक सहित पक्राउ परेका दुवै जनालाई आवश्यक कारवाहीको लागी सव डिभिजन वन कार्यालय सलकपुर मोरङमा बुझाईएको ईलाका प्रहरी कार्यालय बेलबारीले जनाएको छ ।