बिराटनगर, श्रावण २५ गते । प्रहरीले सिटी सफारीलाई चेकजाँच गर्दा लागुऔषध गाँजा फेला परेपछि चालकको घर खानतलासी गर्दा घरबाट ८ किलो लागुऔषध गाँजा बरामद गरेको छ ।
घटना विवरण अनुसार जिल्ला मोरङ सुन्दरहरैचा नगरपालिका वडा नं. ७ स्थितबाट लागूऔषध गाँजा सहित सिटी सफारी चालकलाई पक्राउ गरिएको हो । पक्राउ पर्नेमा धनकुट्टा शहिद भूमी गाऊपालिका वडा नं. ५ घर भई हाल सुन्दरहरैचा नगरपालिका वडा नं. ५ मा डेरा गरी बस्ने २४ बर्षीय ईमान राई रहेको छ ।
ईलाका प्रहरी कार्यालय बेलबारीबाट खटिएको प्रहरी टोलीले दक्षिण तर्फ जादै गरेको राईले चलाएको को १ ह ७९८५ नम्बरको सीटी सफारी चेकजाँच गर्ने क्रममा लागूऔषध गाँजा फेला परे पश्चात राईको कोठा समेतमा खानतलासी गर्दा लागूऔषध गाँजा ७ केजी ९८४ ग्राम बरामद गरिएको थियो ।
सिटी सफारी सहित पक्राउ परेका राईलाई ईलाका प्रहरी कार्यालय बेलबारीबाट थप अनुसन्धान भईरहेको छ ।