बिराटनगर, श्रावण ९ गते । मोरङको बिराटनगर महानगरपालिका वडा नं. १७ मटेरुवा चोक स्थितबाट जिल्ला प्रहरी कार्यालय मोरङबाट खटिएको प्रहरी टोलीले भारतिय र अमेरिकी डलर सहित २ जना भारतीय नागरिकलाई पक्राउ गरेको छ ।
पक्राउ पर्नेमा भारत उत्तर प्रदेश लखनउको ३४ बर्षीय अतुल कुमार र ३५ बर्षीय सन्दिप सिंह रोय रहेका छन् । शुक्रवार भारतबाट नेपाल तर्फ आउदै गरेका अतुलको साथबाट भारतिय नोट ५ सय को २ सय थान १ लाख फेलापरेको थियो ।
त्यसैगरी सन्दिप सिंह रोयको साथबाट भारतिय नोट ५ सय को २ सय १७ थान १ लाख ८ हजार ५ सय, अमेरिकन नोट १ सय को २१ थान, २० को ५ थान, १० को १ थान, र १ को ४ थान सहित दुबै जनालाई नियन्त्रणमा लिई आवश्यक कारबाहीको लागी आन्तरिक राजश्व कार्यालय ईटहरीमा बुझाएको छ ।