बिराटनगर, आषाढ १९ गते । जिल्ला मोरङ वेलबारी नगरपालिका वडा नं ७ बस्ने वर्ष ४८ की सिता घिमिरेलाई श्रीमान बर्ष अन्दाजी ५६ को अम्बिका घिमिरेले मुग्रोले हानी हत्या गरेको छ ।
श्रीमान मादक पदार्थ सेवन गरी आषाढ १८ गते राती घरमा आई श्रीमतीसँग सामान्य वादविवाद भई दुवै जना सुतेको र निज श्रीमान राती उठी एक्कासी आवेसमा आई काठको मुङ्ग्रोले निदाई रहेकी श्रीमतीको वाँया कन्चटमा चार÷पाँच पटक प्रहार हत्या गरेको हो ।
श्रीमतिको मृत्यु भएपछि श्रीमानले सिरानीले मुङ्ग्रो छोपी लुकाई भागि फरार भएको हुँदा ईलाका प्रहरी कार्यालय बेलबारीबाट खटिएको प्रहरी टोलीले शनिवार जिल्ला मोरङ वेलबारी नगरपालिका वडा नं ७ स्थित निजको घर देखी अन्दाजी २ कि.मी.दक्षिणमा रहेको खाली ग्वालीमा बसी रहेको अवस्थामा पक्राउ गरिएको थियो ।
पक्राउ परेका धिमिरेलाई ज्यान सम्बन्धी कसूरमा थप अनुसन्धान कार्य भई रहेको जिल्ला प्रहरी कार्यालय मोरंगले जनाएको छ ।