बिराटनगर, चैत ११ गते । हिन्दुहरुको महान चाडपर्व होलीको शुभ अवसरमा रणभूमी अनलाईन समाचार पोर्टल र आशियान इन्टरनेशनल जर्नलिस्ट काँउसिललको संयुक्त आयोजनामा शुभकामना आदान–प्रदान र सम्मान कार्यक्रम सम्पन्न गरेको छ ।
सोही अवसरमा प्रमुख अतिथी नेपाल पत्रकार महासंघको उपाध्यक्ष कुमोद अधिकारी र विशिष्ट अतिथी बृहत मधेशी नागरिक समाजको अध्यक्ष सुर्यनाथ सिंहले नेपाल र भारतका केही पत्रकार र समाजका अगुवा व्यक्तित्वहरुलाई प्रमाण सहित सम्मान गरेका थिए ।
होली पर्वको अवसरमा सो कार्यक्रम उपस्थित भएका प्रमुख अतिथी, विशिष्ठ अतिथी र अतिथीहरु बीच शिरमा अविर लगाएर एक आपसमा शुभकामना साटा–साट गरेका थिए ।
उक्त कार्यक्रम आशियान इन्टरनेशनल जर्नालिस्ट काँउसिलको अध्यक्ष राजेश कुमार शर्माकको अध्यक्षतामा सम्पन्न भएको थियो ।