विराटनगर, माघ ३ गते । लागुऔषध सहित एक जनालाई इलाका प्रहरी कार्यालय रानीले एक जनालाई पक्राउ गरेको छ ।
बिराटनगर महानगर पालिका वडा नं. १६ स्थित सिमा एरियाबाट प्रतिबन्धित लागुऔषध सहित एक जनालाई पक्राउ गरेको हो । पक्राउ पर्नेमा मोरङ सुन्दरहरैचा वडा नं. ६ बस्ने २८ बर्षीय आशिस मगर रहेको छ ।
बिशेष सुराकका आधारमा ईलाका प्रहरी कार्यालय रानीबाट खटिएको प्रहरी टोलीले मगरलाइ नियन्त्रणमा लिएको थियो ।
नियन्त्रण पश्चात उनि उपर चेकजाँच गर्दा लुपिजेसिक ११ एम्पुल, डाईजापाम ११ एम्पुल, एभिल ११ एम्पुल, फेनारगन ११ एम्पुल र नाईट्राभेट ४५ ट्याब्लेट लागुऔषध फेला पारी बरामद गरिएको हो ।
लागुऔषध सहित पक्राउ परेका मगर उपर थप अनुसन्धान तथा कानुनी कारबाही अगाडी बढाईएको छ ।