विराटनगर, असोज २५ गते । जुवा तास खेली रहेको एक समूहलाई कौडी, तास, नगद र सवारी साधन सहित ६ जनालाई प्रहरीले पक्राउ गरेको छ ।
जिल्ला मोरंग बेलावारी नगरपालिका वडा नं. ४ गर्जुराम टोलमा अशोक राईको घरमा शुक्रवार राती जुवा तास खेली रहेको अवस्थामा ती ६ जनालाई पक्राउ गरीएको हो ।

पक्राउ पर्नेमा जिल्ला मोरङ बेलबारी नगरपालिका वडा नं. ३ मैनावारी टोल बस्ने बर्ष ४० को रित गुरुङ, वडा नं. ११ लक्ष्मीमार्ग बस्ने बर्ष ५६ को सुजय गौतम, बर्ष ५२ को चन्द्र लिम्बु, जिल्ला झापा दमक नगरपालिका वडा नं. ५ मन्टेश्वरी टोल बस्ने बर्ष ३२ को धमेन्द्र राई, जिल्ला सुनसरी ईटहरी उपमहा नगरपालिका वडा नं. १ हलगडा बस्ने बर्ष ४७ को प्रदिप तामाङ, जिल्ला धनुषा चारनाथ गणेशमान नगरपालिका वडा नं. ८ पोर्ताहा बस्ने बर्ष ५० को पर्शुराम भुजेल रहेका छन् ।
जुवा खेल्ने स्थानवाट कौडी १ थान, तास ३ बुक, नगर २ लाख ५३ हजार २ सय ३५, को २ च २८१९ नं. को स्कार्पियो गाडी, अन टेष्ट मोटरसाईकल १ थान र को २३ प १३८७ नं.को स्कटी १ थान बरामद गरिएको छ ।
पक्राउ पर्ने उपर थप अनुसन्धान भईरहेको जिल्ला प्रहरी कार्यालय मोरंगले जनाएको छ ।