सुनसरी, असोज( २२ गते । सुनसरी भोक्राहा नरसिंह वडा नं. ६ बस्ने १९ बर्षीय उमर हुसेन प्रतिबन्धित लागुऔषध सहित पक्राउ परेका छन ।
विशेष सुराकका आधारमा खटिएको प्रहरी टोलीले को २७ प ८८९७ नम्बरको मोटरसाईकलमा आएका हुसेनलाइ नरसिंह वडा नंं. ५ स्थित राजमार्ग एरियाबाट नियन्त्रणमा लिईएको थियो । नियन्त्रण पश्चात चेकजाँच गर्दा हुसेनले लुकाई छिपाई ल्याएको डाईजेपाम इनजेक्शन १ सय ५० एम्पुल, लुपिजेसी १ एक ५० एम्पुल, फेलार्गन १ सय ५१ एम्पुल र एसपामो प्रोक्सस्भोन प्लस ३ सय ८४ क्याप्सुल फेला पारी बरामद गरिएको थियो ।
जिल्ला प्रहरी कार्यालय सुनसरीका अनुसार उनी उपर थप अनुसन्धान तथा कानुनी कारबाही अगाडी बढाईएको छ ।