विराटनगर, असोज १४ गते । भारतमा चलि रहेको इण्डिय प्रियमियर लिक भई रहेको वेला कुन टिप जित्ने तथा कुन टिम हार्ने विषयमा सट्टावाजी गर्ने विराटनगरका तीन जना पक्राउ परेका छन् ।
विषेश सुचनाको आधारमा जिल्ला प्रहरी कार्यालय मोरंगवाट खटिएको प्रहरी टोलीले १३ गते मंगलवारका दिन विराटनगर महानगर पालिका वडा नं. १५ का मुन्ना भन्ने सत्यजित साहलाई घरवाटै पक्राउ गरेको हो ।
साहले आफ्नै घरवाट मोबाईल फोनवाटै कुनै टिप हार्ने जित्ने भन्दै सट्टावाजी गरी रहेकै अवस्थामा नियन्त्रणमा लिएको थियो ।
मोरङ विराटनगर महानगरपालिका वडा नं. १७ रानी बस्ने जगदिश साह र वडा नं. १५ रानीको बैजनाथ साहलाई पकराउ गरिएको छ ।
सत्यजित साहको साथबाट निलो रंङको सेमसुङ कम्पनीको मोबाईल थान–१, नेपाली दरका विभिन्न रुपैयाँ रु ६० हजार र डेल कम्पनीको ल्यापटप थान १, जगदिश साहको साथबाट सेमसुङ कम्पनीको मोबाईल थान–१ र आर १५ मोटरसाइकल थान १ र वैजनाथ साहको साथबाट सेमसुङ कम्पनीको मोवायल थाना–१ बरामद गरिएको छ ।
तीनै जना उपर जुवा वा सट्टे बाजी खेल मुद्दा अन्तर्गत थप अनुसन्धान भई रहेको जिल्ला प्रहरी कार्यालय रानीले जनाएको छ ।