सुनसरी, असोज ६ गते । सुनसरीको देवानगंज वडा नंं. ६ स्थित भारत तर्फ लैजादै गरेको करीब १ लाख बराबरको सेतो मटर प्रहरीले बरामद गरेको छ ।
बिशेष सुराकका आधारमा खटिएको प्रहरी टोलीले सोमवार देवानगंज स्थित सिमा एरियाबाट ८० बोरा सेता मटर को १ च ८३६० नम्बरको पिकअप गाडीलाई नियन्त्रणमा लिईएको जिल्ला प्रहरी कार्यालय सुनसरीले जनाएको छ ।
नियन्त्रण पश्चात गाडी चेकजाँच गर्ने क्रममा प्लाष्टिकले छोपेर लुकाई छिपाई राखिएको अवस्थामा उक्त सेतो मटर फेला पारी बरामद गरिएको हो । बरामद गरिएको मटर, पिकअप गाडी र चालक समेतलाई आवश्यक कारबाहीको लागी सुनसरी भन्सार कार्यालय कोशी व्यारेज बुझाईएको उक्त कार्यालयले जनाएको छ ।