विराटनगर, चैत्र २४ गते । मोरङ र सुनसरीको बिभिन्न स्थानहरुबाट चैत्र २३ गते प्रतिबन्धित लागुऔषध सहित १२ जनालाई प्रहरीले पक्राउ गरेको छ ।
वडा प्रहरी कार्यालय धरानबाट खटिएको प्रहरी टोलीले देश भारत घर भई सुनसरीको धरान उप–महानगरपालिका–९ मा बस्दै आएका ३० बर्षीय विजय साह, धरान–९ का २७ बर्षीय निरन्जन यादव, धरान–१० का २५ बर्षीय विशेष राई र धरान–१७ का २६ बर्षीय निश्चल राईलाई धरान–९ बाट स्पामो प्रोक्सीभोल–८० ट्याब्लेट, ट्रामाडोल १ हजार ४ सय ४० क्याप्सुल, नेटराजेपाम–७५ ट्याब्लेट र इस्कोफ ७ बोतल सहित नियन्त्रणमा लिएको थियो ।
त्यसैगरी अस्थायी प्रहरी चौकी रेल्वेको प्रहरी टोलीले धरान–११ बाट २२ बर्षीय संजिव सुनुवार र १९ बर्षीय सविन परियारलाई त्च्ब्ःइी–५० लेखिएको ४ सय ६० क्याप्सुल, नियन्त्रित औषधी स्पास्पेन ४ सय ६९ ट्याब्लेट सहित नियन्त्रणमा लिएको थियो ।
लागुऔषध ब्राउनसुगर २ ग्राम ८९ मिलिग्राम सहित धरान–५ का २६ बर्षीय दिवेश रम्तेल, सुनसरीको भोक्राहा नरसिंह गाउँपालिका–५ का २६ बर्षीय रहिस मन्सुरी र सुनसरीको ईटहरी उप–महानगरपालिका–५ का ३२ बर्षीय सनम शेर्पालाई इलाका प्रहरी कार्यालय लौकहीको प्रहरी टोलीले पक्राउ गरेका थिए ।
सुनसरीको अस्थायी प्रहरी पोष्ट जोरसखुवाको प्रहरी टोलीले धरान–१५ का एक बालकलाई उनकै घर छेउबाट नियन्त्रित औषधी कोलिवाम ८ सय ५, क्याप्सुल र ट्रमाडोल–८ सय ५ क्याप्सुल सहित नियन्त्रणमा लिएको थियो । इलाका प्रहरी कार्यालय उर्लावारीबाट बिशेष सुचनाको आधारमा खटिएको प्रहरी टोलीले उर्लावारी नगरपालिका–५ स्थितबाट १९ बर्षीय सुजन शिवालाई ट्रामाडोल १ सय ६०ट्याब्लेट, स्पाष्मिड १ सय ६० क्याप्सुल सहित नियन्त्रणमा लिए संगै बिक्री बितरणमा संलग्न मोरङको पथरी शनिश्चरे नगरपालिका–२ का २९ बर्षीय सुमन गुरुङलाई ट्रामाडोल १ हजार १६ ट्याब्लेट र स्पाष्मिड ९ सय ८० क्याप्सुल सहित पक्राउ गरेको थियो ।
प्रतिबन्धित लागुऔषध सहित पक्राउ परेका सबैजनाको सम्बन्धीत प्रहरी कार्यालयहरुबाट थप अनुसन्धान भई रहेको छ ।