विराटनगर, चैत्र २० गते । उदयपुरको कटारी नगरपालिका-४ स्थितबाट नियन्त्रित लागूऔषध १० हजार ४ सय ६३ ट्याव्लेट र गाँजा १०० ग्राम सहित ओसार पसारमा संलग्न ७ जनालाई इलाका प्रहरी कार्यालय कटारीले पक्राउ गरेको छ ।
चैत्र १९ गते कटारी नगरपालिका-४ स्थित बजारमा लागू औषधको कारोवार भईरहेको भन्ने सुचनाको आधारमा खटिएको प्रहरी टोलीलेओसार पसारमा संलग्न रहेका कटारी-७ का २९ बर्षीय हरि बहादुर तामाङ, कटारी-८ का १९ बर्षीय भक्त बहादुर तामाङ, २५ बर्षीय सोम कृष्ण राई, कटारी-४ का २३ बर्षीय अनमोल मगर, २० बर्षीया आरती राउत, २३ बर्षीय सरद कुमार सुनुवार र १९ बर्षीय बिक्रम साशंकारलाई टुरूपेन टेवलेट-४ हजार ४ सय ३१ चक्की, स्पासपेन टेवलेट-५ हजार ९ सय १२ चक्की र टापेन्टा टेवलेट-१२० चक्की, गाँजा १०० ग्राम, नगद २ लाख ४७ हजार ७ सय २० रुपैया र २ थान मोटरसाईकल सहित पक्राउ गरेको थियो ।
लागूऔषध सहित पक्राउ परेका उनिहरुको इलाका प्रहरी कार्यालय कटारीबाट थप अनुसन्धान तथा आवश्यक कानूनी कारवाही भईरहेको छ ।