भोजराज घिमिरे/विराटनगर, चैत १३ गते । राष्ट्रिय सहकारी दिवस २०८१ चैत २१ गते भव्य रूपमा आयाेजना गर्न विराटनगरमा ५०१ सदस्यीय मूल समारोह समिति गठनका साथै १२ वटा उपसमितिहरू गठन गरिएको छ ।
कार्यक्रमका संयोजक जिल्ला सहकारी संघ लि. मोरङका अध्यक्ष डा. डिल्ली पोखरेलका अनुसार कोशी प्रदेशका मुख्यमन्त्री हिक्मत कुमार कार्की प्रमुख अतिथिमा हुने जानकारी गराए ।
कार्यक्रमलाई सफल बनाउन प्रचार प्रसार उपसमितिकाे संयोजकमा विजयहरी खतिवडा, स्वास्थ्य उपसमितिकाे संयोजकमा जितेन्द्र झा, झाँकी व्यवस्थापन उपसमितिकाे संयोजकमा विजयकुमार माझी, दिप प्रज्वलन उपसमितिकाे संयोजक सीता लामिछाने रहेका छन ।
त्यसैगरी हलमंच व्यवस्थापन उपसमितिकाे संयोजकमा राकेश दाहाल, खानेपानी उपसमितिकाे संयोजकमा नारायण ढकाल, स्वागत सत्कार उपसमितिकाे संयोजकमा पार्वता बराल, पार्किङ व्यवस्थापन उपसमितिकाे संयोजकमा गोपाल धिताल, र्‍याली व्यवस्थापन उपसमितिकाे संयोजकमा गोबिन्द निरौला, स्वयंसेवक व्यवस्थापन उपसमितिकाे संयोजकमा ई. कमलेश्वर ठाकुर, आर्थिक व्यवस्थापन उपसमितिकाे संयोजकमा अमृत गुरुङ रहेका छन ।
सहकारीकर्मीहरूको उत्साहजनक सहभागिता सुनिश्चित गर्न विभिन्न पूर्वकार्यक्रमहरू पनि तय गरिएको छ । चैत्र १८ गते साँझ ४ बजे पुष्पलाल चौकबाट बृहत मोटरसाइकल र्‍याली,
चैत्र १९ गते साँझ ६ बजे महेन्द्र चौकमा दिप प्रज्वलन गरिने भएकाे छ ।
प्रचार उपसमितिका सह-संयोजक अविनाश निधि का अनुसार मोरङ जिल्लाका करिब ९०० सहकारी संघ/संस्थाबाट हजारौँ सहकारीकर्मीहरू विराटनगरमा सहभागी हुने वताए ।