झापा, भदौ २९ गते । मादक पदार्थ सेवन गरी आफ्नै ५० वर्षिय आमालाई हत्या गरेको आरोपमा छोरालाई प्रहरीले पक्राउ गरेको छ ।
घटनाको विवरण अनुसार झापा जिल्लाको कमल गाँऊपालिका वडा नं. ७ बाह्रघरेका २४ बर्षीय दिनेश ऋषिदेवले आफ्नै आमाको हत्या गरेको आरोपमा पक्राउ परेका छन् ।
रातीको समयमा मादक पदार्थ सेवन गरी आफ्नै आमा मिरा ऋषिदेवलाई धारिलो हतियार बन्चरोले शरिरका बिभिन्न भागमा अन्धाधुन्द प्रहार गरी हत्या गरेको थियो ।
आमालाई छोरोले धारिलो हतियार प्रहारीगरी हत्या गरेको सूचना पाए लगत्तै ईलाका प्रहरी कार्यालय दमकबाट खटिएको प्रहरी टोलीले छोरा दिनेशलाई पक्राउ गरेको हो भने घटना सम्बन्धमा थप अनुसन्धान भईरहेको ईलाका प्रहरी कार्यालय दमकले जनाएको छ ।