विराटनगर, फाल्गुण १५ गते । नेकपा (एमाले) मोरंगको फल्गुन १७, १८ र १९ गते हुने अधिवेशनको प्रधानमन्त्री एवम् नेकपा (एमाले) का अध्यक्ष केपी शर्मा ओलीले समुद्घाटन गर्ने भएको छ ।
नेकपा (एमाले) मोरंगका अध्यक्ष बाबुराम कार्कीले पार्टी कार्यालयमा गरको पत्रकार भेटघाट कार्यक्रममा सो जानकारी गराउनु भयो ।
मोरंग जिल्ला अधिवेशनको लागि १८ हजार ७ सय १० सदस्यवाट अधिवेशनमा सहभागी हुनका लागि ९ सय १४ जना प्रतिनिधी छनौट भई सकेको जानकारी गाउँदै १५९ वटा वडाबाट–६९२ जना, २३ वटा जनसंगठनबाट–१०१ जना, विशेष क्षेत्र–२४ जना, दलित–५१ ज्ना, मनोनित–४६ जना रहेका प्रतिनिधी रहेको वताउनु भयो ।
अधिवेशनको उद्घाटन फाल्गुण १७ गते दिनको ११ बजे, होटल मनास्लु, विराटनगर हुने छ भने १८ गते विहान ७ बजेदेखि दिउँसो १२ वजेसम्म राजनीतिक, सांगठनीक, आर्थिक प्रतिवेदन र मोरङको समृद्धिका लागि दिग्दर्शन उपर छलफल र पारित गर्नेछ
त्यसैगरी १८ गते १ बजेदेखि निर्वाचन आयोगको कार्यतालिका अनुसार निवर्वाचन कार्य सञ्चालन गरी सहमती खोज्नेछ सहमती नभ्रए १९ गते निर्वाचन हुनेछ
अधिवेशन बन्दशत्र सञ्चालनको लागि पार्टी केन्द्रीय कमिटी सदस्य क. जिवन घिमिरेको अध्यक्षतामा केन्द्रीय कमिटी सदस्य क. रामलाल साह, प्रदेश कमिटी अध्यक्ष क घनश्याम खतिवडा, सचिव क. राजकुमार भण्डारी, केन्द्रीय सल्लाहकार सदस्य क यशोदा अधिकारी, पूर्वअध्यक्ष क. ऋषिकेश पोखरेल, प्रदेश कमिटी सदस्य क. खेम नेपाली रहेको ७ सदस्यीय अध्यक्ष मण्डलको प्रस्ताव गर्ने अध्यक्ष कार्कीले जानकारी गाराउनु भयो ।
त्यसैगरी निर्वाचन कार्यक्रम सञ्चालनका लागि वरिष्ठ अधिवक्ता सुरेसलाल श्रेष्ठको संयोजकत्वमा डिल्ली घिमिरे, विश्वराज भट्टराई, विवेक तिर्मिसना, संजय मेहता, अविनारायण श्रेष्ठ, राधा उराव, सबिता घिमिरे, सुष्मा अधिकारी रहेको ७ सदस्यीय निर्वाचन कमिटी गठन गरेका छ भने यज्ञ शर्माको संयोजकत्वमा रुपेश खतिवडा, केदार कार्की, कञ्चनकला वर्मा, डिल्ली कर्ण प्रसाई रहेको पांच सदस्यीय माइन्युट कमिटी गठन गरको छ ।
ऋधिवेशनलाई सफल पार्नको लागि गठित प्रतिनिधि व्यवस्थापन, खाद्य तथा आवास, स्वयंसेवक परिचालन, मञ्च व्यवस्थापन, अतिथी सत्कार, प्रचारलगायत विभिन्न उप–समितिले आ–आफ्नो कार्यसम्पादन गरी रहको अध्यक्ष कार्कीले वताउनु भयो । वहाँ आफै पनि मोरंग जिल्ला अध्यक्षको लागि दावेदार हुनुहुन्छ ।