विराटनगर, फाल्गुन १३ गते । विराटनगरको ऐतिहासिक विराट गोल्ड कप फुटबल प्रतियोगिता २०८१ को तैयारी तिब्र रुपमा भईरहेको छ ।
फागुन १९ गते देखि २८ गतेसम्म बेलुकी ४ बजेदेखि रात्री ९ बजेसम्म रात्रिकालिन तालिकामा शहिद रंगशालामा आयोजना हुन लागेको उक्त प्रतियोगितालाई अझ व्यापक, आकर्षक एवं लोकप्रिय बनाउन आयोजक समिति अहोरात्र खटिरहेको प्रतियोगिताको संयोजक नवीन रिजालले जानकारी गराएको छ ।
प्रतियोगिताको प्रचार प्रसार समितिका सह–संयोजक श्रृति शर्मा र अमित अग्रवालको नेतृत्वमा विराटनगरका विभिन्न स्थानहरु उपस्थित भई आगामी प्रतियोगिताका बारेमा जानकारी गराउने कार्य भई रहेको छ । सह–संयोजकहरुसँग जिना श्रेष्ठ, राहुल शर्मा, अभिषेक भट्टराई, गौरव भट्टराई र जतिन ताम्राकार सहितको टोलीले विराटनगरका कलेजहरु तथा विद्यालयहरुमा समुहगत छलफल गरेको छ । समुहगत छलफलमा विद्यार्थी र शिक्षकहरुको उत्साहजनक उपस्थिति देखिएको थियो ।
समुहगत छलफल मार्फत आयोजक समितिले यस पटकको सो रात्रिकालिन प्रतियोगतालाई अझ अन्तर्राष्ट्रियस्तरको शैलीमा संचालन गर्न लागिएको जानकारी गराउँदै सोही अवधिमा साँस्कृतिक कार्यक्रम, फेस अफ द गोल्ड कप, टिकटक कम्पीटिसिन लगायतका आकर्षक कार्यक्रमहरु पनि समावेश गरिएको जानकारी गराएका थिए ।
टुर्नामेन्टको सहभागीहरु मध्ये प्रत्येक दिन ३ जनालाई फेस अफ द गोल्ड कप गिफ्ट हेम्पर दिईने, प्रत्येक २ सयको टिकट खरिद गर्दा २ हजार भन्दा बढिका छुट कुपनहरु उपलब्ध गराइने, रमपमको टिकट क्यास व्याक अफर प्राप्त गर्न सकिने लगायत विभिन्न स्कीमहरु राखिएका छन् । टुर्नामेन्टमा नेपाल र भारतका राष्ट्रिय फुटबल टीमहरु बीच रात्रिकालिन प्रतिस्पर्धा हुने छन् ।