विराटनगर, फाल्गुन ११ गते । खेल गति नै खेलाडीहरूको प्रगति हो भन्ने मुख्य उद्देश्य स्थापित गर्नको लागि प्रदेश खेलकुद विकास बोर्ड, कोशी प्रदेश विराटनगरको आयोजनामा फाल्गुन १३ गते देखि १८ गते सम्म कोशी प्रदेश खेलकुद महोत्सव हुने भएको छ ।
बोर्डको बार्षिक कार्यक्रममा समावेश १४ जिल्लाका एथलेटिक्स, कबड्डी, डोरीतान, सफ्ट टेनिस, कराते, तेक्वान्दो, बुद्धिचाल, बाघचाल, महिला फुटबल, महिला भलिबल, टेवलटेनिस सहित ११ वटा खेलहरु महोत्सवमा समावेश हुने कोशी प्रदेश सामाजिक विकास मन्त्रालयमा आयोजित पत्रकार सम्मेलनगरी प्रदेश खेलकुद विकास वोर्डका सदस्य सचिव कृष्ण बस्नेतले जानकारी गराए ।
कर्णाली प्रदेशमा आगामी चैत २३ गतेदेखि हुने १० औँ राष्ट्रिय खेलकुद प्रतियोगितामा अत्याधिक पदक जित्नुका साथै अन्तर्राष्ट्रियस्तरको खेलाडी उत्पादन गर्नु महोत्सवको मुख्य उद्देश्य रहेको कोशी प्रदेशका सामाजिक विकासमन्त्री एवं बोर्डका अध्यक्ष पाँचकर्ण राईले वताए । खेललाई राजनीतिवाट माथि राखेर हेर्नु पर्छ खेलाडी कुनै पार्टीको भए पनि खेल राष्ट्रकै हुने भएकोले जुन सरकार आएपनि खेल महोत्वसलाई निरन्तरता दिने विश्वास व्यक्त गरे ।
प्रदेश स्तरीय महिला फुटवल प्रतियोगित फाल्गुन १३ गते देखि १८ गते सम्म उद्घाटन शहिद रंगशाला विराटनग र फाइनल खेल दिल्ली पब्लीक स्कुलमा, प्रदेश स्तरीय एथलेटिक्स प्रतियोगिता महिला तथा पुरुष फाल्गुन १३ गते शहिद रंगलाशा विराटनगरमा, प्रदेश स्तरीय कबड्डी प्रतियोगित फाल्गुन १३ र १४ गते आदर्श माध्यमिक विद्यालय विराटनगरमा, प्रदेश स्तरीय बाघचाल प्रतियोगिता (भेन्ट्रन्स पुरुष) फाल्गुन १५ गते प्रदेश खेलकुद विकास वोर्डको प्राङ्गणमा, प्रदेश स्तरीय टेवलटेनिस प्रतियोगिता महिला तथा पुरुष फाल्गुन १५ गते देखि १७ गते सम्म टेवलटेनिस कवडहल विराटनगरमा, प्रदेश स्तरीय कराते प्रतियोगिता महिला तथा पुरुष फाल्गुन १७ स्थान खाली, प्रदेश स्तरीय तेक्वान्दो प्रतियोगिता महिला तथा पुरुष फाल्गुन १७ र १८ गते आदर्श मावि विराटनगरमा हुने छ ।
त्यसैगरी प्रदेश स्तरीय सफ्टटेनिस प्रतियोगिता महिला तथा पुरुष फाल्गुन १८ गते स्थान खाली राखिएको छ । मुख्यमन्त्री कप राष्ट्रिय महिला भलिवल प्रतियोगिता हिमालिय माध्यमिक विद्यालय दमक झापामा हुने छ । प्रदेश स्तरीय डोरीतान प्रतियोगिता पुरुष फाल्गुन १३ गते शहिद रंगशाला विराटनगरमा र प्रदेश स्तरीय बुद्धिचाल प्रतियोगिता महिला तथा पुरुष फाल्गुन १५ देखि १७ गते सम्म शहिद रंगशाला विराटनगरमै हुने भएको छ ।
महोत्सवको उद्घाटन फागुन १३ गते विराटनगरको शहीद रङशालामा कोशी प्रदेश सभाका माननीय सभामुख अम्बर बहादुर विष्टले समुद्घाटन गर्नुहुने छ भने हुने छ भने प्रतियोगिताको समापन फागुन १८ गते सोही स्थानमा कोशी प्रदेशका माननीय मुख्यमन्त्री हिक्मत कुमार कार्कीले गर्नु हुनेछ ।
प्रतियोगितामा १ करोड ७८ लाख ७७ हजार ५३ खर्च हुने अनुमान गरिएको छ । उक्त रकम प्रदेश खेलकुद विकास बोर्डबाट १ करोड २० लाख र वांकी रकम प्रदेश सरकार, निजी क्षेत्र र खेलप्रेमी व्यक्तिहरुवाट पूर्ति गर्ने प्रेस विज्ञप्तीमा उल्लेख छ ।