सुनसरी, भाद्र २३ गते । सुनसरी कोशी गाउँपालिका वडा नं.३ का ३९ बर्षीय मोहमद हुसेन मन्सुरी नियन्त्रीत लागुऔषध सहित पक्राउ परेको छ ।
सोमबार दिउसो ३ बजे कोशी गाउँपालिका वडा नंं. ३ मै झोला बोकी हिडिरहेका मोहमदलाई नियन्त्रणमा लिई चेकजाँच गर्दा लागुऔषध फेला परेको हो ।
निजले बोकेको झोला खोलेर हेर्दा ५० बोतल डाइलेक्स डिसी ५ सय ट्यावलेट, निट्रोसुन २ सय २८ क्यापसुल र एसपासमो प्रोक्सोभोन बरामद भएको जिल्ला प्रहरी कार्यालय सुनसरीले जनाएको छ । पक्राउ परेका मोहमद उपर थप अनुसन्धान भईरहेको उक्त कार्यालयले जनाएको छ ।