विराटनगर, भाद्र २१ गते । प्रदेश नं. १ मोरङ जिल्लाको सुनवर्सी गाउँपालिका वडा नं. ८ प्रतिवन्धीत लागुऔषध सहित २ जना पक्राउ परेका छन ।
पक्राउ पर्नेमा सुनवर्सी गाउँपालिका वडा नं. ४ को सन्जु गनगाई र वडा नं. ८ को भीम कुमार मण्डल रहेका छन । ती दुवैजाना को ४ प ९४६ नम्बरको मोटरसाईकलमा सवार गरी आएका दुबै जनालाइ नियन्त्रणमा लिई चेकजाँच गर्दा उनिहरुको साथबाट ६ बोतल इस्कफ र १ सय ९० गोटी लाबोरेट–भिवेल (प्रतिबन्धित औषधी) फेला पारी बरामद गरिएको जिल्ला प्रहरी कार्यालय मोरङले जनाएको छ ।
पक्राउ परेका दुबै जना उपर ईलाका प्रहरी कार्यालय रंगेलीबाट थप अनुसन्धान भईरहेको उक्त कार्यालयले जनाएको छ ।