विराटनगर, मंसिर १५ गते । मधेश प्रदेश धनुषा जिल्लाको जनकनन्दिनी गाउँपालिका–५ उधा टोलमा प्रेमिकाको हत्या गरेको आरोपमा प्रेमी सहित तीन जनालाई प्रहरीले पक्राउ गरेको छ ।
प्रेमी र प्रेमिकाको विवाहको विषयलाई लिएर भएको विवादमा २० वर्षीया रेखा कुमारी मण्डलको हत्या प्रेमीकाले गरेका छन् ।
रेखाको शव जनकनन्दिनी गाउँपालिका ४ खजुरी स्थित आमा खोलामा हत्या गरी प्लास्टिकको बोरामा राखेर फालेको अवस्थामा गत मंसिर ८ गते दिउँसो साढे ३ बज फेला परेको थियो ।
हत्याको आरोपमा धनुषा प्रहरीले जनकनन्दिनी गाउँपालिका–३ का २२ वर्षीय राम ललित खत्वे मण्डल, २० वर्षीय ज्ञानेन्द्र दास र धनुषाको शहिदनगर नगरपालिका ८ नाथपट्टीका २४ वर्षीय रमेशकुमार मण्डललाई प्रहरीले पक्राउ गरेको हो । उनीहरुलाई गत बिहीबार प्रहरीले पक्राउ गरेको धनुषाका प्रहरी प्रवक्ता डिएसपी बरुणबहादुर सिंहले जानकारी दिए ।
डिएसपी सिंहका अनुसार मृतक रेखाको हत्याका मुख्य आरोपी रामललित हुन् । चारवर्षदेखि रेखा र रामललितबीच प्रेम सम्बन्ध रहेको र विवाह गर्ने विषयमा भएको विवादमा हत्या भएको अनुसन्धानबाट खुलेको छ । थप अनुसन्धान भई रहेको छ ।