विराटनगर, भाद्र १३ गते । सुनसरीको धरान स्थित बीपी कोइराला स्वास्थ्य विज्ञान प्रतिष्ठान धरानमा थप एकजना कोरोना संक्रमितको मृत्यु भएको छ ।
शुक्रबार राति प्रदेश नं. २ सिरहा जिल्लाको भदैया ६ घर भएका ८४ वर्षीय पुरुषको मृत्यु भएको हो । मृतकमा खोकी, ज्वरो र श्वासप्रश्वासमा समस्या रहेको प्रतिष्ठानका प्रवक्ता डा. निदेश सापकोटाले वताए ।
भाद्र ६ गते धरान ल्याइएको बृद्धमा कोरोनाको आशंकामा स्वाबको परीक्षण गराउँदा भोलिपल्ट रिपोर्ट पोजेटिभ आएको थियो । कोरोना पोजेटिभ देखिएपछि उनलाई उपचारका लागि कोभिड अस्पतालमा भर्ना गरिएको थियो ।
प्रतिष्ठानमा भर्ना भएकामध्ये कोरोनाबाट मृत्यु हुनेको संख्या १८ पुगेको छ ।