दिलीप अग्रवाल
रंगेली, माघ २४ गत । लागुऔषध गाँजाव र हरिणको सिङ सहित एक जना महिलालाई प्रहरीले पक्राउ गरको छ । पक्राउ पर्नेमा मोरङको रंगेली नगरपालिका वडा नं. ७ निचामारी टोल बस्ने वर्ष ५५ की सागर देवी रहेकी छिन् ।
विषेश सूचनाको आधारमा इलाका प्रहरी कार्यालय रंगेलीका प्रहरी निरीक्षकको टोलीले सागर देवीको घरवाट गोप्य नियन्त्रण मा लिएको हो ।
उनको शरीर तथा घर खानतलासी गर्ने क्रममा लागू औषद गाँजा १केजी ६९७ ग्राम र अवैधरुपमा लुकाई छिपाई राखेको ४ थान हरिण को सिङ जस्तो देखिने वस्तु फेला परेको प्रहरीले जनाएको छ ।
सागर देवीलाई लागुओैषध तथा वन ऐन सम्बन्धी मुद्दा दर्ता गरिएको र थप अनुसन्धान भईरहेको ईलाका प्रहरी कार्यलय रंगेली का प्रहरी निरिक्षक बुद्धिराम चौलागाईले बताए ।