विराटनगर, श्रावण ३ गते । महिलाहरु माथि कुटपिट गरी समाजिक सञ्जालमा भिडियो राख्ने तीन जना पक्राउ परेका छन् ।
घटनाको विवरण अनुसार असार २९ गते जिल्ला सुनसरी बराहक्षेत्र नगरपालिका वडा नं.९ (टोल राजाबास) स्थित चिहान डाँडाको कोशी किनारमा जिल्ला सुनसरी बराहक्षेत्र न.पा. बडा नं. ९ (राजाबास टोल) बस्ने बर्ष १९ की मनिषा राई सहित तीनजनाले बेईज्जती गरेको भन्ने आरोप लगाई पीडितहरुलाई झुक्याएर वारदात स्थान जिल्ला सुनसरी बराहक्षेत्र न.पा.वडा नं.९ (टोल राजाबास) स्थितको चिहानडाँडाको कोशी किनारमा बोलाई पाँच जनाले तीनैजनालाई पालैपालो कुटपिट गरी भिडियोसमेत बनाई सामाजिक सञ्जालमा उक्त भिडियो राखेकोमा पिडितहरुले आरोप सहित असार ३१ गते इलाका प्रहरी कार्यालयमा महेन्द्रनगरमा जाहेरी जाहेरी दर्ता गराएपछि पक्राउ गरको थियो ।
उक्त जाहेरी दरखास्तको आधारमा पाँच जना अभियुक्तहरु मध्येका जिल्ला सुनसरी बराहक्षेत्र न.पा. वडा नं. १० प्रकाशपुर (भुजेलटोल) बस्ने बर्ष १९ की प्रिति लिम्बुलाई पक्राउ गरी अभद्र व्यवहार मुद्दा दर्ता गराई म्याद थप गरिएको थियो ।
सोही घटनामा संलग्न प्रतीवादीहरु भागि लुकिछिपी बसिरहेको अवस्थामा जिल्ला सुनसरी बराहक्षेत्र न.पा. वडा नं. ८ (टोल सैनिकटोल) बस्ने बर्ष १८ की दुर्गा राई र बर्ष २२ की बिनिता उराँउलाई इप्रका महेन्द्रनगरवाट खटिएको प्रहरी निरीक्षक राजेश दत्तको कमाण्डको विशेष प्रहरी टोलीले सुनसरीको ईटहरी बजारबाट मंगलवार पक्राउ गरिएको थियो ।
पक्राउ परेकाहरु उपर थप अनुसन्धान भई रहेको छ भने फरार रहेका थप २ जना अभियुक्तहरुको खोजी कार्य भईरहेको प्रदेश प्रहरी कार्यालयले जनाएको छ ।