विरगंज, असार ११ गते । कुटपीट गरी हत्या गरको आरोपमा जिल्ला प्रहरी कार्यालय, बाराले एक नाबालक सहित १२ जनालाई पक्राउ गरेको छ ।
हत्या अभियोगमा पक्राउ परेकाहरुले बारा जिल्लाको जीतपुरसिमरा उपमहानगरपालिका–६ नगौलका राकेशभक्त पौडेललाई कुटपिट गरी हत्या गरेको आरोपमा उनीहरुलाई पक्राउ गरको हो ।
उक्त हत्याको आरोपमा पक्राउ गरको मध्ये नबालकलाई बाल सुधारगृह, भक्तपुर पठाइएको छ भने अन्य ११ जनालाई वीरगञ्ज कारागार पठाइएको जिल्ला प्रहरी कार्यालय बाराले जनाएको छ ।
पक्राउ पर्नेमा बाराको जीतपुरसिमरा उपमहानगरपालिका–६ नगौलका ५० वर्षीय चित्र बहादुर क्षेत्री, ५० वर्षीया दुर्गा खत्री, ५० वर्षीय सन्ते बछार, २६ वर्षीय सन्दीप थापा, २४ वर्षीय सुमन लामा र २६ वर्षीय सुदीप घिमिरे रहेका छन् ।त्यसैगरी जीतपुरसिमरा–२ फूलबारी टोलका ४२ वर्षीय खगेन्द्र रिजाल, सम्झौता टोलका ३५ वर्षीय उद्धव अधिकारी, जीतपुरसिमरा–३ बजनी बलुवा टोलका ४८ वर्षीय बलरामप्रसाद चिमरिया, जीतपुरसिमरा–६ रामवन टाँडीका २६ वर्षीय राजु अधिकारी र २६ वर्षीय सन्तोष खत्री, जीतपुरसिमरा–३ का ३४ वर्षीय कुमार मगर र रहेका छन् । नबालकको नाम भने खुलाइएको छैन ।