विराटनगर, माघ १३ गते । मोरङको बेलवारी नगरपालिका वडा नं. ९ डाँगा बजारका ३५ बर्षीय जय बहादुर खत्रीलाई आफनै बुबाको हत्या गरेको आराेपमा प्रहरीले छाेरालाई पक्राउ गरेको छ ।
बुधवार राती साँढे १० बजेको समयमा खत्रीले आफ्नै बुबा ८० बर्षीय दल बहादुर खत्रीको घाँटी थिचेर हत्या गरेको भन्ने खबर प्राप्त भएसंगै ईलाका प्रहरी कार्यालय बेलवारीबाट खटिएको प्रहरी टोलीले खत्रीलाई पक्राउ गरेको थियो ।
मादक पदार्थ सेवन गरेर आएका खत्रीले घरायशी बिषयमा बुबासंग बादबिबाद गरेको र बादबिबादकै क्रममा रिशको आवेगमा घाँटी थिच्दा दल बहादुरको घटनास्थलमा नै मृत्यु भएको थियो ।
त्यसरी हत्याको आरोपमा पक्राउ परेका खत्रीक सम्बन्धमा प्रहरीले थप अनुसन्धान गरिरहेको छ ।