विराटनगर, मंसिर २ गते । सुनसरी गाउँपालिका वडा नं. ४ मा प्रहरीले चेकजाँच गर्दा एउटा ट्र्याक्टरबाट १ सय ८० किलो लागुऔषध गाँजा बरामद गरी ट्रयाक्टरलाई स्कटिङ गर्ने मोटर साईकल चालकलाई प्रहरीले पक्राउ गरेको छ ।
बुधवार देवानगंज स्थित सिमा क्षेत्रमा ईलाका प्रहरी कार्यालय देवानगंजबाट खटिएको चेकिङ टोलीले सवारी साधन चेक जाँच गर्ने क्रममा प्रदेश –१–०४–००१ त ०६६६ नंम्बरको ट्याक्टर चेकजाँच गर्ने क्रममा उक्त ट्याक्टरमा ठूलो परिणामको लागुऔषध गाँजा फेला परेको थियो।
चेकजाँच हुने क्रममा ट्याक्टर चालक फरार भएका थिए भने उक्त ट्याक्टरलाई को २९ प ८४८६ नम्बरको मोटरसाईकलले स्कटिङ गर्ने देवानगंज गाउँपालिका वडा नं. ५ का २५ बर्षीय सन्तोष कुमार मेहेता पक्राउ हुन् ।
फरार भएका चालकको खोजतलास भईरहेको छ भने बरामद भएको गाँजा, ट्याक्टर र मोटरसाईकल समेत नियन्त्रणमा लिई थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।