बिराटनगर, बैशाख ३ गते । कटहरी गाउँपालिका वडा नं. १ महेशपुरमा रहेको ठाकुर खाजा घरको अगाडी पार्किङ्गगरी राखिएको मोटर साईकल चोरी भएको छ ।
नयां वर्ष २०७८ र सिरुवा पर्वको उपलक्ष्यमा बैशाख २ गते बिराटनगर महानगरपालिका वडा नं. १ शंकर चौकबाट साथीहरु संग रमाईलो गर्न र खाजा खान गएका यूवाहरु मध्ये सुरेश कुमार कामतको मोटर साईकल वेलुकी ८ बजे चोरी भएको हो ।
सुरेश कुमार कामतको नाममा दर्ता रहेको को ४० प १२०७ नम्बरको कालो रातो रङभएको होण्डा कम्पनीको साईन मोटर साइकल चारी भएको भन्दै खोजि गरी दिन जिल्ला प्रहरी कार्यलय मोरङमा जाहेरी दर्ता समेत गरि सकेको मोटर साइकल धनी कामतले बताए ।
मोटर साईकल चोरीको आरोपमा थुनामा रहेका केही अपराधीहरु छुटेपछि फेरी बिराटनगर महानगरपालिका र आसपासका गाउंपालिकाहरुमा मोटर साईकल चोरीका घटनाहरु हुन थालेको एक प्रहरीले वताए ।