बिराटनगर, चैत ७ गते । राजा विराटको दरवारको प्रचार प्रसारको लागि झटियाही युवा क्लबद्धारा संचालन गरिएको राजा विराट कप (प्रथम) नक आउट क्रिकेट टुर्नामेन्टमा वाई आर क्रिकेट क्लब विराटनगरले विजय हासिल गरेको छ ।
टुर्नामेन्टका विजेता टिम वाई आर क्रिकेट क्लवलाई ७१ हजार नगद सहित सिल्ड र प्रमाण टुर्नामेन्ट समापन कार्यक्रमका विशिष्ठ अतिथी जनता समाजवादी पार्टी मोरंगका अध्यक्ष राजकुमार यादवले प्रदान गरेका थिए ।
त्यसैगरी १ सय ४२ रनले पराजीत भएका बजाज यूथ क्रिकेट क्लब राजविराज उप विजेता बनेका थिए । उप विजेता टिमलाई बिराटनगर महानगर पालिकाका कार्यकारी प्रमुख उमेश बस्नेतले ३१ हजार नगर, सिल्ड र प्रमाण पत्र प्रदान गरेका थिए ।
साही अवसरमा क्रिकेट ग्राउन भन्दा वाहिर बललाई क्याच गर्ने ५ जना यूवालाई समेत नगद सहित सम्मान गरेका थिए । त्यसैगरी उत्कृष्ट बलर, म्यान अफ दि म्याच लगायत खेल अवधिभरमा उत्कृष्ट प्रदर्शन गरेको खेलाडीहरुलाई समेत सम्मान गरेका थिए ।
फाल्गुन १९ गते देखि संचालन भएको सो टुर्नामेन्टमा १२ वटा टीमले भाग लिएका थिए ।