विराटनगर, फाल्गुण २ गते । सृष्टा नेपालको आयोजनामा मिस एण्ड मिस्टर विराटनगर प्रतियोगितको पहिलो अडिसन मंगलबार देखि शुरु हुने भएको छ ।
सो प्रतियोगिताको बारेमा जानकारी दिने उदेश्यले गरेको पत्रकार सम्मेलनमा आयोजकले मिस एण्ड मिस्टर विराटनगर प्रतियोगिताको पहिलो अडिसन श्रीकृष्ण होटलमा गर्ने जानकारी गराएको हो ।
उक्त प्रतियोगितामा विराटनगर क्षेत्रका युवा–युवतीहरुलाई सहभागी गराउने भएको छ । पहिलो अडिसनबाट छनौट भएका किशोर किशोरीहरू फाइनलको लागि छनौट हुनेछन् ।
त्यसैगरी प्रतियोगिताको दोस्रो अडिसन फागुन ८ गते सगरमाथा होटलमा हुनेछ । दुवै अडिसन विराटनगरमा हुने छ । प्रतियोगितामा सहभागी हुनका लागि १५ देखि २५ वर्ष उमेर भित्रका अविवाहित युवा–युवाती हुने छ ।
दुवै अडिसनबाट उत्कृष्टहरू फाइनलमा २५÷२५ जना छनौट गरिने तयारी गरेको निर्देशक रोनक अग्रवालले जानकारी दिए । प्रतियोगिताको फाइनल चैतमा हुनेछ । बिजेता हुने मिस्टर र मिसले जनही ५१ हजार रुपैयाँको साथै १० लाखको स्वास्थ्य विमा ६ महिना फ्रि जिम क्लास, ब्रण्ड एम्वेस्टर बन्ने अवसर, डान्स क्लास छात्रवृति राष्ट्रिय तथा अन्तराष्ट्रिय मिडिया कोभरेज लगायतका सुविधाहरु उपलब्ध गराउने छ ।
त्यसैगरी सो प्रतियोगितको रनर्सअपको लागि स्मार्टफोन ५ लाखको स्वास्थ्य विमा ३ महिलाका फ्रि जिम क्लास, गिफ्ट हेम्पर, ट्रफि एण्ड डान्स क्लास छात्रवृति उपलब्भ गराउने पेजेन्ट डाईरक्टर रौनक अग्रवालले वताए । प्रतियोगिताको कारोरियोग्राफर पूर्वेली सुपर मोडलका बिजेता मोनिला लिम्बुले गर्नेछिन् ।