विराटनगर, माघ २२ गते । हतियारमा लाग्ने १ सय ८५ राउण्ड गोली एक जनाको कुखुरा खोरबाट बरामद भएको छ ।
मोरङ उर्लाबारी नगरपालिका वडा नं. १ लक्ष्मीझारको दल वहादुर लिम्वुको घरमा रहेको कुखुराको खोर देखि ५ मिटर दक्षिण खेतबारीमा गोली बरामद भएको हो ।
मोरङ उर्लाबारी नगरपालिका वडा नं. १ बस्ने वर्ष ५३ को भक्त वहादुर सुवेदीले खेत खन्ने क्रममा कालो रंगको प्लाष्टिक भित्र पोका पारी माटो मुनि लुकाई छिपाई गाढेको अवस्थामा हातहतियारमा प्रयोग हुने ७.६२ एमएमका १ सय ८५ राउण्ड गाली फेला पारेको थियो ।
उक्त गोली ईलाका प्रहरी कार्यालय उर्लाबारीबाट खटिएको प्रहरी टोलीले बरामद गरी थप अनुसन्धान कार्य भई जिल्ला प्रहरी कार्यालय मोरंगले जनाएको छ ।