विराटनगर, पौष १५ गते । अबैध लागु औषध खैरो हिरोईन सहित १ जनालाई प्रहरीले पक्राउ गरेको छ ।
जिल्ला मोरङ बिराटनगर महानगरपालिका वडा नं. वडा नं. १३ बिराट अस्पताल जाने बाटो नजिकै रहेको आस्था होटेल एण्ड लजमा लागु औषध ब्युरो बिराटनगर र ईलाका प्रहरी कार्यालय रानीबाट संयुक्त रूपमा खटिएको प्रहरी टोलीले पक्राउ गरेको हो ।
पक्राउ पर्नेमा जिल्ला सुनसरी इटहरी उप–महानगरपालिका वडा नं. ५ हलगडा बस्ने बर्ष ३० को बिमल राईलाई शंका लागी चेक जाँच गर्ने क्रममा निजको साथबाट ४ वटा प्लास्टिकमा बेरी राखेको अन्दाजी २.४५ ग्राम ब्राउन सुगर जस्तो देखिने पदार्थ फेला पारेको थियो ।
राईलाई नियन्त्रणमा लिई ईलाका प्रहरी कार्यालय रानीमा ल्याई थप अनुसन्धान कार्य भई रहेको जिल्ला प्रहरी कार्यालय मोरंगले जनाएको छ ।