विराटनगर, पौष २ गते । अबैद्ध लागु औषध गाँजा सहित ४ जना र हिरोईन सहित ३ जनालाई प्रहरीले पक्राउ गरेको छ ।
पक्राउ पर्ने मानिसहरू जिल्ला मोरङ विराटनगर महानगरपालिका वडा नं. ५ बिशाल चोक बस्ने वर्ष ४० को रुपेश साह, वर्ष २५ को विनेश खवास, वर्ष २२ को सुमित सुमित साह, वर्ष २१ को सागर रायलाई पक्राउ गरेको हो ।
जिल्ला मोरङ विराटनगर महानगरपालिका वडा नं. ५ दिल्ली पव्लिक स्कुल नजिक गाँजा बेचेको भन्ने बिशेष सुचनाको आधारमा जिल्ला प्रहरी कार्यालय मोरङबाट खटिएको प्रहरी टोलीले मानिसहरुलाई र अन्दाजी ४ सय ग्राम गाँजा सहित नियन्त्रणमा लिई जिल्ला प्रहरी कार्यालय मोरङमा ल्याई थप अनुसन्धान कार्य भई रहेको छ ।
त्यसैगरी जिल्ला मोरङ विराटनगर महानगरपालिका वडा नं. ७ शनिमन्दिर स्थित लागु औषध ब्युरो विराटनगरबाट खटिएको प्रहरी टोलीले पैदल यात्री जिल्ला मोरङ विराटनगर महानगरपालिका वडा नं. १७ मटेरूवा बस्ने बर्ष २७ को लद्दीफुल मियालाई शंका लागि चेकजाँच गर्ने क्रममा निजको साथबाट १३ ग्राम खैरो हिरोईन जस्तो देखिने पदार्थ फेला पारी निज लाई नियन्त्रणमा लिई आवश्यक अनुसन्धानको लागि जिल्ला प्रहरी कार्यालय मोरङमा ल्याई थप अनुसन्धान भई रहेको छ ।
लागु औषध सहित जिल्ला मोरङ विराटनगर महानगरपालिका वडा नं. १६ दरैया स्थित लागु औषध ब्युरो विराटनगरबाट खटिएको प्रहरी टोलीले पैदल यात्री देश भारत बिहार राज्य जिल्ला अररिया जोगमनी थाना वडा न. ९ ईन्द्रानगर बस्ने बर्ष ३२ को सुरजेश कुमार राय र बर्ष १३ को मो.आशिक मियालाई शंका लागी चेकजाँच गर्ने क्रममा मो.आशिक मियाको साथबाट ५ ग्राम खैरो हिरोईन जस्तो देखिने पदार्थ फेला पारी निजहरू दुबै जनालाई नियन्त्रणमा लिई आवश्यक अनुसन्धानको लागि ईलाका प्रहरी कार्यालय रानीमा ल्याई थप अनुसन्धान कार्य भई रहेको छ ।