विराटनगर, मंसिर ७ गते । मोरङ रतुवामाई नगरपालिका वडा नं ८ स्थित सागर बर्तौलाको घरमा हार जित हुने गरी खाल थापी जुवा तास खेल्ने खेलाउने १६ जना जुवाडेहरुलाई नगद सहित प्रहरीले पक्राउ गरेको छ ।
गोप्य सूचनाको आधारमा जिल्ला प्रहरी कार्यालय मोरङ विराटनगरबाट खटिएको प्रहरी टोली निम्न बमोजिमका १६ जना मानिसहरु खाल थापी जुवा तास खेलीरहेको अवस्थामा फेला पारी नियन्त्रणमा लिएको छ ।
जुवाको खालबाट विभिन्न दरको नेपाली नगद रु. १ लाख ६९ हजार ६ सय ९५ रुपियां, १ बुङ तास, कौडा गोटी १६ थान, बिभिन्न कम्पनीका मोवायल थान १७ तथा सोही ठाउँ नजिक निज व्यक्तिहरु सवार भई आएको १९ वटा मोटरसाईकल र २ वटा कार समेतका सवारीसाधनहरु समेत नियन्त्रणमा लिएका छ ।
पक्राउ पर्नेहरुमा मोरङ रतुवामाई नगरपालिका वडा नंं. ७ सिजुवा बजार बस्ने बर्ष ४७ को डिल्लीराम चौलागाई, बर्ष ३५ को मोती पौडेल, बर्ष ४३ को रामनाथ मैनाली, बर्ष ४१ को देबी प्रसाद प्रसाई, बर्ष ३७ को रामनाथ नेपाल, बर्ष ४५ को हेमलाल प्रसाई, बर्ष ४० को नारायण चुडाल रहेका छन् ।
त्यसैगरी मोरंग रतुवा माई नगरपालिका वडा नं. ८ बस्ने बर्ष ४४ को सन्त ब.राई, सिक्किमे टोल बस्ने बर्ष ३५ को सागर गडतौला, बर्ष ४५ को दिपक ढुङगाना, दाम्राभिट्टा बजार बस्ने बर्ष ४५ को योगराज घिमिरे, बर्ष ३८ को अशोक भट्टराई, बर्ष ३९ को राजन हस्ता सतार, रतुवामाई नगरपालिका ६ कादुपाडा बस्ने बर्ष ४५ को गोपी पराजुली बर्ष ३६ को रबिन पोखरेल, मोरङ बेलबारी नगरपालिका वडा नं. ७ बिच बजार बस्ने बर्ष २२ को गणेश श्रेष्ठ रहेका छन् । पक्राउ परेका सबैमाथि थप अनुसन्धान भई रहेको प्रहरीले जनाएको छ ।