काठमाडौं, कार्तिक ७ गते । काठमाडौंको सिनामंगलस्थित काठमाडौं मेडिकल कलेजले दशैं विदामा पनि पीसीआर परीक्षण गर्ने भएको छ ।
धेरैजसो पीसीआर ल्याबहरु दशैंका कारण बन्द भएको भएपनि केएमसीले भने दशैंको विदामा पनि कोरोना परीक्षण जारी राखेको हो । कोरोनाको महामारीका बेला पीसीआर परीक्षण रोकिदा सर्वसाधरणलाई समस्या हुँने भएकाले दशैं विदामा पनि २४ सैं घण्टा पीसीआर ल्याब संचालनमै राख्ने व्यवस्था मिलाईएको काठमाडौं मेडिकल कलेजका अध्यक्ष डा.सुनिल शर्माले बताए ।
‘अहिले जटिल अवस्था भएकाले दशैं बिदामा पनि पीसीआर परीक्षण नियमित गर्ने व्यवस्था मिलाएको छ ।
केएमसीको सिनामंगल र दुवाकोटका दुबै अस्पतालबाट स्वाब संकलन गरेर १ हजार ९ सय ९९ मा पीसीआर परीक्षण गरिदै आएको छ र गत असार १४ गतेबाट पीसीआर परीक्षण थालेको केएमसीले हालसम्म ३२ हजार भन्दा बढी ःवाब परीक्षण गरिसकेको छ ।